නුවර එලිය


ස්කොලේ කාලේදී ස්කොලෙන් ගිහිපු හුඟක් ට්‍රිප් වලට මට යන්න පුළුවන් කමක් නැති වුන නිසා මන් ලංකාවේ හුඟක් තැන්වල ඇවිදලා තිබුනේ  නෑ ඉස්කෝලෙන් අවුට් වෙනකම්. එකටත් හරියන්නද කොහෙද රස්සාවට ගියාට පස්සේ මට ලංකාව වටේ යන්න අවස්තාව හම්බුනේ.
මුලින්ම දුරකට කියල මට යන්න වුනේ නුවර එලියට, හැමෝම ට්‍රිප් එකක් විදියට යන්න ආසාවෙන් හිටියට  ජොබ් එහෙකට ගිහින් ඉන්න ටිකක් අදිමදි කරනවා. මොකද එහෙම කියන්නේ  අපේ කොම්පැනියෙන් එහෙට යවපු කීපදෙනෙක්ම දවස් කීපෙකින් ආපහු පැදුරටත් නොකිය ආව නිසා. 
මුලින්ම යනකොට නම් මාව කොම්පැනියේ වාහනෙකින් නුවර එලියට එක්කන් ගියා , මුල් දවස් කීපය අපේ ක්ලයන්ට්ගේ ක්වාටස් එහෙක ඉන්න පුළුවන් වුනා තැනක් හොයාගන්න කම්. හදිස්සියේම දවසක් හවස මට එතනින් එලියට බහින්න වුනා ක්ලයන්ට්ගේ නෑයෙක් ඒකට කඩන්පාත් වුන නිසා. යන්න කියල තැනක් තිබ්බෙත් නෑ බඩු ටිකත් අරන් ස්ටෑන්ඩ් එකට ආවා හොටෙල් රූම් එකක්වත් හොයාගන්න. ටවුන් එකේ නයිට් ත්‍රී වීල් එකක් දුවන හැරල්ඩ් කියල අයියා කෙනෙක් තමයි මට පිහිට වුනේ එයා දන්නා හොටෙල් එහෙක අඩුවට රූම් එකක් හොයල දුන්න එදා රෑ ඉන්න. 
නුවර එළියේ ගෙවල් වල හුඟක් අය කැමති නෑ රූම් එකක් මාස ගානකට දෙන්න මොකද ඊට වැඩිය ගානක් වීක් එන්ඩ් එකේදී එයාලට හොයාගන්න පුළුවන් නිසා, තැන කීපයක්ම බලලා අන්තිමට මට සෙට් වුනේ හාවා එළියේ ගෙදරක් ගාන ටිකක් සැර වුනාට හොඳ තැනක් .  ටිකක් විතර කන්දක  ගේ  තිබුනේ, එලියට බැස්සම නුවර එළියේ හොස්පිටල් එක පිටි පස්සේ තියන කන්දේ පුංචි දිය ඇල්ලකුත් පේනවා, බෝඩිමේ ඉඳලා ටවුන් එකට පයින් යන දුරකට ටිකක් වැඩියි දුරක් තිබුනේ වැඩිපුර ගියේ බස් එකේම තමයි. උදේට රාගල උඩපුස්සල්ලාව බස් එන්නේ කට කපල , මාත් යන්තම් එල්ලිලා යනවා ටවුන් එකට යනකම්. පාර්ක් එක ඉස්සරහ හෝල්ට් එකෙන් බැහැල එතනින් පයින් ගියා ග්ලේන් ෆෝල් රෝඩ් එකේ තිබුන සයිට් එකට, හවසට නම් ස්ටෑන්ඩ් එකටම ගිහින් බස් එකක් ගත්තේ. 
නිවාඩුවට ගෙදර යන එන එක ටිකක් කරදර වැඩක් කොළඹට ගිහින් එතනින් යන්න වෙන්නේ , වෙලාව ඉතුරු කරගන්න ඕන නිසා හුඟක් වෙලාවට මං  ආවා ඊයේ රෑ බස් වල , හවස නුවර එළියෙන් බස් එකේ නැග්ගම මහා පාන්දර කොළඹට එන්නේ  පිට කොටුවෙන් තංගල්ල කතරගම බස් එහෙක ආයෙත් නැගල ගාල්ලට එනවා , ගාල්ලෙන් තියන පලවෙනි උඩුගම හරි දෙල්ලව හරි බස් එකේ නැගල  ගෙදර යනකොට කොහොමත් අට නාමය වෙනවා පැය දොළහක්  විතර බස් වලම ඇවිල්ලා, 
ආපහු යනකොටත් ගෙදරින් කොළඹට යන්න පුළුවන් අන්තිම බස් එකේ යන්නේ රෑ අට නමය වෙන්න විතර කොළඹට , එහෙම යනකොට නුවර එලියට එන්න වෙන්නේ එත් පාන්දර කොළඹින් එනකොට ජැකට් ස්වීටර් ඇඳන් එන්නේ නැහැනේ, බස් එකෙන් බහිනකොට ඇටකටුත් එක්ක හීතල වෙනවා, නයිට් පාර්ක් එකේ හිටපු හැරල්ඩ් අයියට මං එනකොට මගදී කෝල් එකක් දීලම එන්නේ මං අහවල් බස් එකේ එනවා කියල, මන් නැවතිලා හිටපු ගෙදරත් එක්කත් එයාට සම්බන්දයක් තිබුණා , කලින් ඒ ගෙදර වෑන් එහෙක එයා වැඩකරලා තිබුන නිසා, 


බෝඩිමට ගිහින් පැය දෙකක් තුනක් නිදාගන උදේ  වැඩටත් ගියා මං, නුවර එලිය කොළඹ හුඟක් බස් තිබුනේ RAD රාජගිරිය කියල කෙනෙක්ට , මට හොඳට මතකයි හැම බස් එකකම ඩෙන්සිල් කොබ්බෑකඩුව මහත්තයාගේ ෆොටෝ එකක් එක්ක දැන්වීමක් ගහල තිබුන රණවිරුවන්ට ප්‍රවාහනය නොමිලේ කියල, හුඟක්  තිබුනේ TATA බස් , ලබු කැලේ හරියේ වංගු ටික කරකවනකොට අපෙත් ඔලුව කැරකෙනවා . ටිකක් සැප පහසුවට යන්න තිබුනේ වැලිමඩ ඉඳන් එන වෑමුල්ල කියන බස් එක , අර TATA බස් වල යනවට වඩා නම් දාහෙන් සම්පතයි ඒ බස් එක, 




 






No comments:

Post a Comment

බාල්දු කථා

ලව් ලොක්

  මේ  තියෙන්නේ  මං දවස ගානෙ  උදේ හවස වැඩට  යන එන පාරේ තියන පාලමක ඇන්ද. මේක පයින් යන මිනිසුන්ටයි පුට්බයිසිකල් වලටයි විතරක් තියෙන පාලමක්. පාලම...