අපරාදේ කියන්නබෑ අපේ ගමත් සෑහෙන්න දායකත්වයක් ඒ වෙනුවෙන් දැක්වු බව නම් කියන්නම ඕන.
සමස්තයක් විධියට ගත්තාම ලෝකේ පිරිමින් සියදිවි නසාගැනීමට වැඩියෙන්ම පාවිච්චි කරන්නේ වෙඩි තියා ගැනීමලු. ගැහැනු කරන්නේ නිදි පෙති පාවිච්චිය කියලා තමයි කියන්නේ. මොකද බහුතරයක් ගැහැනු කැමති නෑලු මැරුනට පස්සේවත් තමන්ගේ ශරීරයට හානිවෙන දේවල් කරන්න.😀
ලෝකෙ තත්වෙ එහෙම උනාට අපේ ගමේ කට්ටිය පාවිච්චි කරේ ක්‍රම දෙකයි. එකක් වස බීම, අනිත් එක ගිනි තියා ගැනීම.
වස ජාති දෙකක් තිබුනා කෘමි නාශක සහ වල් නාශක. කෘමි නාශක බීපු අය නම් බේරුනේ නැති තරම් . මැහි තෙල් කිවවේ ඒවටම තමයි ගම්වල.
වල් නාශක නැත්තම් තණකොල බෙහෙත් බීපු අය කීප දෙනෙක් බේරීලා ඉන්නවා. ඒ ඉතින් මිනිස්සු බය කරන්න නිකන් තොලේ කටේ ගාගත්ත අය තමයි. හරියට බීපු අය ගොඩක් විඳවලා තමයි මැරුණේ .
පිරිමි මැරෙන්න පාවිච්චි කරේම වස බීම. ගිනි තියා ගත්ත ඔක්කොම වගේ ගැහැනු, හැබැයි අපේ ගමේ ගිනි තියා ගනිපු ගොඩ දෙනෙක් මැරුනෙ නෑ.තාමත් ජීවත් වෙනවා නමේ මුලට විශේෂණ පදේකුත් එක්ක "ගිනි තියා ගනිපු" ..... කියලා. ඒ වගේ එක්කෙනෙක් ගිනි තියා ගත්ත වෙලාවෙ මං බලන්න ගිහින් දවස් ගානක් බත් කන්නත් බැරුව හිටියා.
අර සන්නස්ගල සර් කිව්වා වගේ පිට මිනිස්සුන්ට පෙනුන ගම්වල සරල සුන්දර කම ඇතුලේ මහා අශිෂ්ඨ අශ්ලිල සිද්ධි ගොඩක් තිබුනා.
දැන් මේ ස්මාට් ෆෝන් ආවට පස්සේ කොල්ලෝ බල්ලෝ ඔක්කොම පත්තර වාර්තාකාරයෝ වෙලා නේ . කාක්කෙක් බෙට්ටක් දැම්මත් fb දාලා youtubeදාලා ගෝසිප් සයිට් වල දාල අන්තිමට පොලිස් මාධ්‍ය ප්‍රකාශක ප්‍රකාශයක් කරලා ජනාධිපතිටත් ගිහින්නේ නවතින්නේ.
ඉස්සර හුගක් සිද්ධි එහෙමම වැලලිලා ගියා.
සිය දිවි නසා ගැනීමට ප්‍රධානම හේතුවක් උනේ පවුල් ආරවුල්. පවුල් ආරවුල් වලට ප්‍රධානම හේතුවක් උනේ අනියම් සම්බන්ධතා. ඒව ගැන කවුරු හරි සමීක්ෂණයක් කරා නම් අපේ ගම ඒකෙනුත් කප් එක ගන්නවා ෂුවර් . එච්චරට ඉහවහා ගිහිල්ලා තිබුනේ. මේ ලඟදි ජනප්‍රිය වෙච්ච කොන්ඩයගේ අයියයි ඌයි එක තාත්තගේ නෙවෙයි කියලා DNA චෙක් කරාම අහුවුණා වගේ. අපේ ගමේත් ඕක කරා නම් ලෝක ජංජාලයක් වෙන්නෙ. වස බවුසරයක් ගේන්න වෙනවා මිනිසුන්ට බොන්න.
ඉස්සර අපේ හරියෙ ත්‍රිවිල් එකක් වත් තිබුනෙත් නෑ තිබුන පාරේ යන්නත් බෑ. ඉතින් ඔය වස බීපු ගිනි තියාගත්ත අය අරන් ගියේ කද බැඳ ගෙන. පුටුවක වාඩි කරවලා පොලු දෙකක් ගැට ගහලා හතර දෙනෙක් එක්ක කර තියාගෙන තමයි ඉස්පිරිතාලෙට අරන් ගියේ. එකක් උනේ දැන් වගේ මිනිස්සු මරාගෙන මැරුනෙ නෑ තමන්ගේ ප්‍රශ්නෙට තමන් සිය දිවි නසා ගත්තා විතරයි. දැන් දැන් තව එකෙකුත් මරලානේ මිනිස්සු සිය දිවි නසා ගන්නේ.
කලින් තිබුනා නීතියක් සිය දිවි නසා තැත් කරොත් ඇග බදිනවා කියලා. උසාවි දාලා නඩුවක් දානවා. ඒකේ ලැජ්ජාවට මිනිස්සු ආයේත් වස බෝවී කියලද කොහේද දැන් නම් එහෙම කරන්න නෑ.
මේ ලඟදි ජනප්‍රිය වෙච්ච එකක් තමා පුස් කුඩු. ඒක අර වස ජාති දෙකටම වඩා සෑහෙන්න ලාභ නිසා ගොඩක් අය වස වෙනුවට බිව්වා. පුස් කුඩු කිව්වේ ඇදුම් වල පුස් අරින්න කඩවල් වල තිබුන පැකට් එකක්.
සමහරු අලුත් ජාතිත් අත්හදා බලන්න ගිහිල්ලා අන්තිමට වැඩේ උනෙත් නෑ නිකන් විශේෂණ පදයක් හදා ගත්තා විතරයි. මැරෙන්න ඩීසල් බීපු හාමුදුරු කෙනෙක්ට
උනේ ඒක තමයි. එයාට නම් විශේෂණ පද ඇත්තේම නැතුව නම නිකන්ම ඩීසල් උනා.
සමහරු හිටියා අනිත් මිනිස්සු බය කරන්න මඤ්ඤොක්කා කොල කොටලා බීපුත්. උන්ට නම් ආයේ ඇත්තටම වස බොන්න හිතෙන කුනුහරුප ටිකක් තමයි අහගන්න උනේ. ඇත්තටම ගොඩාක් මැරෙන්න උත්සාහ කරපු අයට ඕනවෙලා තිබුනේ අනිත් අයට පාඩමක් උගන්වන්න. ඒකනේ බීපු වෙලේ ඉදන් බේර ගන්න පින්සේන්ඩු වෙන්නේ. එල්ලිලා මැරෙන එක ජනප්‍රිය නොවෙන්නත් හේතුව උනේ ඒක. මොකද එල්ලුනොත් එල්ලුනාමනේ. අයේ බේර ගැනිල්ල් නෑ. අනුරාධපුර පැත්තේ වගේ ලිදේ පනින්න විදියකුත් නෑ අපේ හරියේ ලිදවල් එච්චර ගැඹුරක් නැහැනේ. ගග තිබුනාට ගගේ පැනලා වැඩකුත් නෑ පීනන්න පුළුවන් නිසා.
No comments:
Post a Comment