පහුගිය දවසක සිරස නාලිකාවේ විකාශය වේච්ච ලක්ෂපති වැඩසටහනේ මිලියන දෙක දිනා ගනිපු ශුක්රා සහෝදරිය පිළිබඳ සෑහෙන පෝස්ට් මුහුණ පොතේ තියෙනව දැකල තමයි මේක මට ලියන්න හිතුනේ.
ලක්ෂපති යනු ඇකඩමික යාන්ත්‍රණයක දැනුම මිනුම මනින වැඩ සටහනක් නොවන අතර රූපවාහිනී නාලිකාවක තවත් එක් වැඩසටහනක් පමණි.
තවත් අතකින් අධි තාත්වික වැඩසටහනකි. රේටින්ස් හෝ යූ ටියුබ් වීව්ස් වැඩි කර ගැනීම ඕනෑම නාලිකාවක පරම අවශ්‍යතාවකි. ඒ සඳහා ඕනෑම දෙයක් විකිණීමට ඔවුන් මැලි නොවෙති.
ශුක්රා සහෝදරිය ගැන මට විවේචනයක නැත.
සිංහල බෞද්ධ ජන විඥානය සහසුද්දෙන් දෙරණ දැන සිටියත් සිරසත් මඳක් දැනගන ඇති බව මට වැටහේ.
ශුක්රා බහුතරයකට මාර වන්නේ ඇයගේ දැනුම පමණක් නිසා නොව මුස්ලිම් කෙල්ලෙක්ට ඇති සිංහල සාහිත්‍ය දැනුම නිසාය.
ඒ නිසා ක්ෂණිකවම ඇය අපේ ගොඩට දාගන්නෙමු. අපිට අනුව සියලු මුස්ලිම් කාන්තාවන් ඇය වගේ වෙනවාට අපි කැමතිය. සියලු අනෙක් ආගමිකයන් සිංහල කතා කරනවාට කැමැතිය. ධම්ම පදය උපුටා දක්වන විට විසිල් ගැසීමට කැමතිය. ඔබාමා බුදු පිළිමයට වඳින එකට කැමතිය. සතුන් බෝධියකට පිළිමකට වඳින කොට කැමතිය.
සියලු දෙනා ඔවුන්ගේ ආගමික මතවාදයෙන් බැහැරව සිතනවාට කැමතිය. නමුත් සිංහල බෞද්ධයාට එය ආදාළ නැත.
අපි දෙමළ කතා කරන්නට කැමති නැත. අහන් ඉන්න වත් කැමති නැත. පල්ලියක කෝවිලක සද්දයත් අරහංය. දෙමළ චිත්‍රපට පිස්සුවෙන් බැලූවත් දෙමළුන් සියලු දෙනාම කොටිය.
බස් එහෙක කෝච්චියක දකුණේදී දෙමළ ජාතිකයන් කිප දෙනෙක් කතා කර යනවා නම් අප හිතෙන්නේ එක්කෝ අපිට බනිනවා නැත්නම් කුමන්ත්‍රණක් කරන බවයි.
"ආනන්ද භවන් එකට වැදී තෝසෙ ගිලිනවා..
එලියට ඇවිදින් යාපනෙ දෙමළුන්ට බනිනවා.."
ජනප්‍රිය බහුතර සිංහල බෞද්ධ ජන විඥානය යනු මෙයයි.
ශ්‍රී ලංකා ක්‍රිකට් විනාශ කරන්නේ වෙනත් ආගමික බලවේගයක් බව සිතන්නට කැමතිය. විමල් වීරවංශ අනුව කොවිඩ් මල සිරුරු භූමදාන කමිටුව සිංහල බෞද්ධ නොවන ආගමික නිකායකට යටත් වී ඇත.
රිෂාඩ් බදියුදීන් අපේ පරම සතුරාය. නමුත් ඉමිතියාස් අපේ එකෙකි. බදියුදීන් ධම්ම පද ගාථා කියන්නේ නැත. ඉමිතියාස් කියයි. අලි සබ්රි එවාකියන කලේ අපේ එකෙක් විය. තමන්ගේ ආගම වෙනුවෙන් පෙනී සිටින විට ක්ෂනිකව පරම සතුරෙක් කර දමන ලදි.
සිංහල බෞද්ධ අපි ඉස්කෝලේ බුද්ධාගම දහම් පාසල් පොත් වල තිබුන දේකට එහා දන්නේ කීයෙන් කී දෙනෙක්ද.
දහස් ගණනක් වන ත්‍රිපිටක සූත්‍ර වලින් පූර්ණ අදහස දන්නේ සූත්‍ර කීයකද. නමුත් කුරාණයේ තියන දේ මුස්ලිම් වරුන්ටත් වඩා අපි දනී. උන්ට උගන්වන්නත් ලෑස්තිය.
සමහරුන්ට ත්‍රිපිටකය කටපාඩම් ඇත ඇට මාලය කරේය. ප්‍රභාකරන්ට මහත්තයා කිව්වොත් සරම කරට ගනී.
ප්‍රභාකරන් නැමැති පුද්ගලයා මරා දමා ඇත නමුත් සංකල්පීය ප්‍රභාකරන්ට තවමත් පොහොර දමමින් සිටිමු. ප්‍රභාකරන්ව බිහි කළ මතවාදය අලු යට තවමත් තිබේ. එය සංසිඳීමට යන්නා NGO කාරයෙකි.
අපි ලෝකයේ සියලු භාෂා වල පොත් පත් සිංහලට පරිවර්තනය කරයි නමුත් රටේ අනෙක් කෙලවරේ ලියවෙන ලියවිල්ලක් පරිවර්තනය වෙන්නේ හාවා හඳ දකින්නාක් මෙනි.
මට දෙමළ කතා කිරීමට බැරිවීම ගැන මම ලැජ්ජා වෙමි. පාසලේ දී එයට ඉඩක් නොසෑදූ අධ්‍යාපන බලධාරීන්ට සාප කරමි.
ත්‍රිකුණාමලය ප්‍රදේශයේ මගේ දෙමළ මිත්‍රයෙකුට තම රජයේ පත්වීම් ලිපිය සිංහලෙන් ලැබූණූ විට පත්වු අසරණ භාවය මට කියා ඇත. සිංහල කතා කරත් කියවීමට නොදන්නා ඔහු පත්වීම් ලිපිය කියවා ගන්නට කෙනෙක් සොයා ගැනීමට සිදුවූ වෙහෙස නිසා
තවදුරටත් සිංහල ආන්ඩුවක් ප්‍රාර්ථනා කරාවිද.
තම නෑදෑයකුගේ (LTTEසම්බන්ද) අවමගුලට සහභාගි වූ පමණින් ත්‍රිකුණාමලයේ රජයේ ඉංජිනේරු වරයෙකුට මාස් පතා කොළඹ රහස් පොලිසියේ පෙනී සිටීමට නියම කිරීමෙන් තවදුරටත් සිංහල ආන්ඩුවක් ප්‍රාර්ථනා කරාවිද.
බලන්න "නිරංජනී ෂන්මුගරාජ" "මා නොවන මම" වැඩසටහන. සිංහලයාගේ සිංහල කමින් උදුම්මා ගත් හිස කැලුම් ගෙනුත්. සංහිඳියාව යනු කුමක්ද යන්න නිරංජනී ගෙනුත් දැකිය හැකිය.
මේ පරස්පර විරෝධී සිංහල බෞද්ධ ජනප්‍රිය මතවාදී සමාජයට ශුක්රා යනු මල් වෙඩිල්ලකි. එයින් පෝෂණය වන්නේ ඊනියා මතවාදයමය.
ශුක්රා මාර කියන අයගේ රෙද්ද උස්සා බැලූ විට විල්පත්තු බේරගමු, බදුයුර්දීන් පන්නමු වැනි බෝඩ් කෑලි සොයා ගත හැක.
No comments:
Post a Comment