මගේ නොස්ටැල්ජියාව 2

අලුත් ගෙදර -1
අපේ පරණ ගේ ඉන්නම බැරි තත්වයක එනකොට. අලුතෙන් ගෙයක් හදන්න පටන් ගන්න ඕන කියලා. කරන්නෙ කොහොමද කියලා ලොකු අවබෝධයක් තිබුනෙ නැ කාටවත්. මාත් OL කරල තිබුනෙත් නෑ එතකොට. මුලින්ම ඉතින් දොලෙන් වැලි ගොඩ දැම්ම. සිමෙන්ති ටික ටික ගෙනල්ල ගඩොලුත් ගෙදරම කපන්න පටන් ගත්තා.

ඒ අස්සේ ඉඩමේ මැද හරියේ තිබුන කඳු ගැටයක් උඩ ගෙපලකුත් අදින්න පටන්ගත්ත. ඔක්කොම ඉතින් මැනුවල් මෝඩ් තමයි.

ගෙපැල කපන්න මුලින්ම උදලු පාර ගහන්න තාත්ත මට දුන්න උදැල්ල , මොකක්දෝ හේතුවකට මට හෙන ලැජ්ජාවක් ඇවිල්ල මං මග ඇරියා. මට බැන බැන තත්තාම පටන් ගත්ත වැඩේ 

ඉස්කෝලේ නිවාඩු දවස් සහ ඉස්කෝලේ ඇරිලා හවස් කලේ සම්පුර්ණයෙන් ඕවට කැප කරන්න වුනා.

 අලුත් ගෙපලේ කෙලවරට වෙන්න ලෑලි වලින් කාමර දෙකක් හදාගන අපි එකේ පදිංච්චි  වුනා , භාග බිත්ති බැඳලා පොළොවට සිමෙන්ති දැම්මේ මම . ඉස්තෝප්පුව කළු ඉටිකොළ වලින් තුන් පැත්තක් වටකරලා , කුස්සිය මැටි ගහල පොඩියට හදාගත්ත. වහලට ගැහුවේ තාර ෂිට් . කන්දක් උඩ  නිසා එක නම් වැඩි කල් ඔරොත්තු දුන්නේ නෑ , පස්සේ අයෙත් ටකරන් ෂිට් ගෙනල්ල එකට උඩින් ගහන්න උනා . මන් හිතන්නේ අපි ගේ හදනවට වඩා  මේ තාවකාලික ගෙට වියදම් කරා.

ලොකුම දේ උනේ අපිට එතනදී ස්ථිර ටොයිලට් එකක් තිබුන. පරණ ගෙදර තිබුනේ ලෑලි දාල පොල් අතු හොයපු එකක්නේ 

එතකොට ගෙදර හිටියේ ළමයින්ගෙන් මත නංගිත් මද්දුම අක්කත් විතරක් නිසා ඉඩකඩ එච්චරම ප්‍රශ්නයක් උනේ නෑ , එත් නිවාඩු දවසට කට්ටිය ආවම නම් අපිට එලිය ඉස්තෝප්පුවට බහින්න උනා  නිදාගන්න.

පරණ ගේ ගාව ඉදන් අලුත් ගෙපැලට මීටර් තුන් හාරසීයක් තිබුනා . වාහනයක් යන්න පාරක් තිබුනේ නැති නිසා සියලුම අමුද්‍රව්‍ය විල්බරැක්කේ පටවගන තමයි ගෙනිච්චේ.

දැන් බැරි උනාට බ්ලොක් ගල් හතක් අටක් දාගන තනියම විල්බරැක්කේ තල්ලු කරගන කන්දට යන එක මහ කජ්ජක් උනේ නෑ  මට. 

ඔය විදියට වැලි කියුබ් 2ක් 3කුත් බ්ලොක් ගල් තුන් හාරසියකුත් අපි අලුත් ගෙපැලට ඇදල ගෙට අත්තිවාරම දාන්න සෙට් වුනා. තාත්තා වැඩ කරපු තැන බාස් කෙනෙක් නොමිලේම වැඩේ කරලා දෙන්න පොරොන්දුත් උනා . ගෙයි ප්ලෑන් එකත් මිනිහාගේම එකක්. 

කොහොම හරි නැකත් වෙලාවට මිනිහට ලනු ගහගන්න බැරි උන , එ කියන්නේ මුළු පරස් ඇරගන්නා බැරිවුණා . දැන් මං මහා ලොකු ඉංජිනියර් උනාට එතකොට අපට තේරුමක් තිබුනේ නෑ  

පයිතගරස් දාල මේක බේරුමක් කරලා දෙන්න වත්

කොහොමින් කොහොමින් වැරැද්ද එහෙමම තියෙද්දී මුල්ගල් තියල අත්තිවාරම බදින්න පටන් ගත්ත , දවස් දෙක තුනකින් වැඩේ ඉවර කරලා බාස් උන්නේහැ යන්න ගියා .  මුලින් මුලින් වෙච්ච බාධක ගණන් නොගත්තට මොකද දෙයියන්ට පින් සිද්දවෙන්න ඒ ගෙවල් හැදිල්ල අත්තිවාරමටම සිමා උනා. කොටින්ම කිව්වොත් "මස්තබාල්දුයි " 

එක සිද්ද උනේ තාත්ත  අක්කත් එක්ක බයිසිකලෙන් යනකොට වැටිලා කකුල කැඩුන එකෙන් , තාත්ත කකුලේ බැන්ඩේජ් එකකුත් එක්ක මාස හතරක ගෙදරට උනා. රස්සාවත් නැති නිසා රීම් එකෙන් තමයි ගෙදර ආර්ථිකේ දිව්වේ, කොහේ ගෙවල් හදන්නද.

අයියයි අක්කල දෙන්නගේ සහයෝගෙන් යන්තම් අපි කාල බීල  හිටිය, ගෙදර තිබුන තේ ටිකෙනුත් පොඩි ආදායමක් තිබුන. මං එතකොට AL කරනවා . 

මගේ ක්ලාස් පීස් ටික ගෙවා ගත්තෙත් හුගක් වෙලාවට අයියගේ පිහිටෙන් , අනිත් උන තියරි ක්ලාස් එකට යනගමන් රිවිෂන් එකටත් ගියාට මට ඉතින් එක කරන්න වත්කමක් තිබුනේ නෑ . කොහොමත් මන් හිතාගත්ත පාස් උනත් පේල් උනත් AL කරන්නේ එක සැරයයි , දෙවැනි සැරෙකට මට වියදම් කරන්න ගෙදරට පුළුවන් කමක් නැතිවිත්තිය මට තේරුන නිසා .

පරණ ගේ තිබුන තැන තාත්තා අායෙත් මැටි ගහල මඩුවක් හැදුවා. තාත්ත කීප සැරයක්ම ඔය වගෙ මඩු ඉඩමෙ කීප පොලකම හැදුවා ඔක්කොම ඉතින් ලෝක ස්වභාවය අනුව කැඩිල බිඳිල ගියා කාලයත් එක්ක.  මට පුලුවන් උන කාලේ මං ස්ථිර මඩු හැදෙව්වා දර දාන්න,  දළු දාන්න, අායුධ දාන්න වෙන වෙනම. මම AL වලට පාඩම් කරේ අර තාත්ත හදපු මඩුවෙ ඉදන්. අැයි අපේ ලැලි ගෙදර මං මහ රෑ වෙනකම් චිමනි ලාම්පුව පත්තු කරන් හිටියම අනිත් මිනිස්සුන්ට නිදා ගන්න වෙන්නෙ නැහැනෙ. මං මඩුවට අැදකුයි මේසෙකුයි දාගන රෑට පාඩම් කරල එකෙම නිදාගත්තා. 

AL physics පේපර් එකට කලින් දවසෙ මං රෑට කාල මගෙ පොඩි ලන්තෑරුමත් මඩුවට ගියා පාඩම් කරන්න. මඩුවෙ දොර අරින කොට මං තෙරුනා මොකක්ද රබර් වගේ එකක් මට පෑගෙන බව. පැත්තකට පැනල බලන කොට අඟල් 2ක් විතර මහත මාපිලෙක් යන්තම් ලන්තෑරුම් එලියෙන් දැක්කා. එදා උෟ මාව කෑවා නම් මගේ ජිවිතේම කනපිට ගැහෙනවා. 

එකෙන් මේකෙන් තාවකාලිකව හදාගත්ත ලෑලි ගෙදර අපිට අවරුදු 3ක් 4ක් ඉන්න උනා අයෙත් ගෙදර හිටපු මද්දුම අක්ක එයාගේ මැදිහත්වීමෙන් අලුත් ගෙයක් හදන්න පටන්ගන කම්