මේක සිද්ද වුනේ මගේ ට්‍රේනින් කාලේදී අපි හිටපු සයිට් ඇකෝමඩේශන් එකේදී . අපේ සයිට් එක 27X 7 වැඩ කරපු නිසා විවේකයක් හම්බුනේ බොහොම කලාතුරකින් තමයි. හම්බු වෙන පොඩි රෙස්ට් එකේදීත් මොකක් හරි පිස්සු වැඩක් කරන්න කට්ටිය සැදී පැහදි හිටියා.
අපිත් එක්ක හිටපු පුෂ්පෙ ගාව තිබුන අරුම පුදුම සිම් එකක් නිසා කට්ටිය නොසැහෙන්න රසයක් වින්දා. මේ සිම් එකට සම්බන්ද ජාලයේ කිසියම් තාක්ෂණික දෝෂයක් නිසා, උපක්‍රමයෙන් කෝල් ගැනීමේ ක්‍රමයක් අපේ කට්ටිය හොයාගන තිබුන වියදමක් නැතුව ලංකාව ඇතුලත ඕනෑම නොම්බරයකට. එ දවස්වල කෝල් චාජර්ස් අධික වීම නිසා කාට හරි දිග කෝල් එකක් ගන්න ඔන නම් පුෂ්පයව හොයාගන ගියා ඕනෑම වෙලාවක. කොහොමහරි හවස් වෙන්නත් කලින් උගේ ෆෝන් එකේ බැටරිය බැහැල ගියා හැමදාම. මගේ ෆෝන් එකත් උගේ ජාතියේම නිසා හවස්වෙනකොට මගේ බැටරියෙන් තමයි උගේ ෆෝන් එක දිව්වේ.
මේකේ රසවත් දේවල් සිද්ද වෙන්නේ සඳුදා රෑට හරි අඟහරුවාදා රෑට හරි තමයි. මොකද ඔෆිස් එකේ තියන ඉරිදා ලංකාදීප පත්තරේ බෝඩිමට ගේන්නේ එදාට නිසා. පත්තරේ මුල පිටුවෙන් පටන් අරගන තියන සියලු ටෙලිෆෝන් නොම්බර වලට කතා කරන්න පටන් ගන්නේ කට්ටිය සෙට් උනාට පස්සේ. ලුහුඬු දැන්වීම් මංගල යෝජනා වල TP No දාපු මිනිස්සු අපේ සනුහරේ මතක් කරනවා. මහා රෑ ජාමෙට කෝල් කරන කොට මොන මනුස්සයටද තරහ යන්නේ නැත්තේ . ඇයි අහන්නෙත් විකාර ප්‍රශ්නනේ. විශේෂත්වේ වුනේ කෝල් එක අවේ කොහෙන්න්ද කියල සක්කරයටවත් හොයන්න බෑ.
මාළු විකුණන තැන වලින් තල්මහෙක්ගේ ගාන අහනවා, හාඩ්වෙයාර් වලින් රන් පවුමක් ගැන අහනවා. කට්ටිය තමන්ට හිතෙන හිතෙන ප්‍රශ්න ඇහුවා.
හොදම වැඩේ කරේ මංගල යෝජනා තීරෙ නොම්බර තිබුන ඒවාට , එක කෝල් එකක් අරන් මනාලියන්ගේ පැත්තේ නොම්බරෙකට . එක තියෙද්දීම තව කෝල් එකක් ගන්නවා මනාලයන්ගේ පැත්තේ නොම්බරෙකට. දෙන්නව කොන්ෆරන්ස් දාල අපි අහන ඉන්නවා . දෙන්නම දන්නේ නෑ කව්ද කෝල් එක ගත්තේ කියල.
කාලයක් යනකොට දුරකථන කොම්පැනිය තමන්ගේ දෝෂය හදාගත්තා අපේ වැඩේටත් තිත තියන්න වුනා.
( මේකෙන් අපහසුතාවෙකට පත්වෙච්ච කවුරු හරි හිටියොත් සමාව බජනය කරනවා. )
No comments:
Post a Comment