බොරු දත් සෙට් එක

මේ කතාව කිව්වේ ජයලත් මහත්තයම තමයි එයත් අපිත් එක්ක වැඩ කරපු බොහොම විනෝදකාමී හිත හොද පුද්ගලයෙක්. තැන ,කොම්පැනි කතාවට අදාළ නැති නිසා පුද්ගලිකත්වයත් රකින්න ඕන නිසා නොකිය ඉන්නම් .

ජයලත් මහත්තය විවාහ වෙලා හිටියේ නර්ස් නෝනා කෙනෙක් එක්ක, දැන් ලොකු ළමයි එහෙම ඉන්නවා. කොහොම හරි විවාහයට කලින් මේ සම්බන්දෙට ජයලත් මහත්තලගේ ගෙදරින් තදින්ම විරුද්ධ වෙලා . විරෝධතාව නොසලකපු ජයලත් මහත්තය බලෙන්ම විශේෂ බලපත්‍රයක් යටතේ විවාහය සිද්ද කරගත්තා. වෙඩින් එකක් ගන්න ඒ වෙලාවේ පුළුවන් කමක් නැති නිසා  ජයලත් මහතා තීරණේ කරා යාලුවෙකුගේ  පොඩි හොටෙල් එකක් බුක් කරගන කන බොන යාලුවෝ ටිකට පාර්ටියක් දෙන්න.

පාර්ටිය පොඩි උනාට කටිටියට ඇති පදම් සප්පායම් වෙන්න බඩු ගෙනත් තිබුනා. තැනත් අවුලක් නැති නිසා කට්ටිය  සන්තෝෂය උපරිමෙන් ගත්තා සින්දු කියල නටලා , කබරයා දාලා ..බ්ලා  බ්ලා

පස්සෙන්දා උදේ හෝටලේ සුද්ද කරන්න ආපු කට්ටියට අර වමනේ ගොඩවල් වල තිබිලා අමුතු දේකුත් හම්බුනා , ඒ තමයි බොරු දත් කුට්ටම් දෙකක් , බඩු යනකොට දත් සෙට් එකත් එක්කම තමයි ගිහින් තියෙන්නේ. කෝකටත් කියල සුද්ද කරපු මිනිස්සු මේ දෙක හෝදලා අරන් තිව්ව අයිති කාරයෝ  අවොත් දෙන්න.

ටිකක් දවල් වෙනකොට හෝටලේ පැත්තට එනවා ටිකක් වයසක මහත්තයෙක්. මිනිහා අර වැඩ කරන ළමයෙක් ලගට කිට්ටු කරලා. හෙමිහිට ඇහුවා " මගේ මේ පොඩි බඩුවක් නැති වෙලා තිබුනා ඊයේ රෑ ඒක  බලලා යන්න ආවේ " කියල. කට්ටියට හිතුන අර හම්බු උන දෙකෙන් එකක් මෙයාගේ වෙන්න ඇති කියල, එත් ඉතින් අඳුර ගන්න බැහැනේ කාගේ එකද කියල. අහුවෙච්ච එකක් අරගන අර මහත්තයට ගෙනත් දුන්නා . " මේක වෙන්න ඇති මහත්තයා හොයන්නේ කියලා. අර මහත්තයත් ලජ්ජාවෙන් මේක අරගන ස්තුති කරලා හනික ගෙදර ගියා

උදේ ඉදන් හාමිනේගෙන් බැනුම් අහ අහා ඉදලා දත් සෙට් එක නැති කර ගත්තට, මිනිහා ගෙදර ගියේ දැන්  බොහොම උජාරුවෙන්. කට එහෙම හෝදලා මිනිහා දාගත්ත දත් සෙට් එක , හුටා සෙට් වෙන්නේ නෑ කටට , ඒ කියන්නේ වැරදි එක තමයි පොරට හම්බුවෙලා තියෙන්නේ. දැන් හිතා ගන්න පුළුවන්නේ අනුන්ගේ දත් කුට්ටමක් කටේ ඔබගත්තම සිද්ද වෙච්ච දේ,

දැන් මිනිහා අරුන්ගේ සනුහරේම මතක් කර කර අයෙත් වමනේ දානවා.