බන්දු මට හම්බු උනේ මං කඳානේ සයිට් එකේ වැඩ කරනකොටය. සයිට් සුපවයිසර් කෙනෙක් වුනු බන්දු එයාගේ ගම වෙච්ච මතුගම ප්‍රදේශයේ ජනප්‍රිය වෙලා හිටියේ හලෝ බන්දු කියල. ඕනෑම කෙනෙක් දකුපු ගමන් හලෝ කියන නිසා ඒ නම වැටෙන්න ඇති මට හිතෙන්නේ. ඉස්සරහ උඩු ඇන්දේ දත් සෙට් එකම නැති නිසාත් මිනිහ හිනාවෙනකොට නිකන් අර ජනප්‍රිය මෙමෙ එකක් වගේ. මිනිහගේ බිමට තිබිච්ච පුදුම ඇබ්බැහිය නිසා උප්පැන්නේ වයසට වඩා පෙනුමෙනුත් වයසට ගිහින් හිටියේ. බොන දවසට කෑමක් ගැන හිතන්නෙම නැති නිසා මං කීප සැරයක්ම මිනිහට මතක් කරා මිනිහට ජිවත් වෙන්න තියෙන්න තව ටික කාලයක් බව.
අපේ බොසුත් මොකක්දෝ හේතුවකට මිනිහව අයින් කරන්නේ නැතුව තියාගන හිටියා . මට බොහොම හිතවත්ව හිටියා මිසක් සයිට් එකේ නම් වැඩක් කරේ බොහොම කලාතුරකින්. කව්රු හරි අල්ලගන උදේම කසිප්පු ටිකක්වත් උගුරට දාගත්තේ නැත්තම් මිනිහ වැඩ කරනවා බොරුය.
පඩි දවසට නෝනා මහත්තයා බන්දු අල්ලා ගැනීමට සයිට් එකටම එන්නේ , නැතිනම් පඩියෙන් බාගයක්වත් ගෙදරට එන්නේ නැති බැවිනි. සමහර දවසට මගේ පඩි බැංකුවට වැටුනත් බන්දුගේ පඩිය වැටුනේ නැත . ඒ රාජ්‍ය බැංකුවක එකවුන්ට් තිබීම නිසාය. නොදරුවකු සමග උදේ ඉදන් අපේ සයිට් ඔෆිස් ගාව බලන් ඉඳල හිස් අතින් ගෙදර යන්න හදන බන්දුගේ නෝනා මහත්තයා ගැන අනුකම්පාවෙන් මං මගේ අතින් බන්දුගේ පඩියද ගෙවා ඇති අවස්ථාද තිබුණි.
ඒ වන විටත් බන්දුට බිරින්දෑවරු දෙදෙනෙක් සිටි බව මට වටින් පිටින් ආරංචි වී උනත් බන්දු ඒ ගැන මත එක්ක කතාකරේ නැති තරම්ය. . කදාන සයිට් එකෙන් බන්දුට හදිසියේම නුවරඑලියට මාරුවක් ලැබුණි. අකමැත්තෙන් වුනත් නුවර එළියේ සයිට් එකට ගිහිපු බන්දු හැරෙන තැපෑලෙන් ආපහු අවේ ඔහුගේ ඇඟට නුවර එලිය දේශගුණය දරාගැනීමට නොහැකි බැවිනි. ඒ සමගම බන්දුට පිටවීමේ ලියුමත් කොම්පැනියෙන් ඒවා තිබීම නිසා නැවත අපි හම්බුනේ නැත.
නැවත හම්බු නොව්නත් අපේ සම්බන්දකම දිගට පැවතුනේ මාසෙකට සැරයක් වත් බන්දු මට කෝල් එකක් දීමට අමතක නොකල නිසාය. අවසාන වතාවට මට කතාකරේ බන්දු අයෙත් මිනිහ කලින් වැඩකරපු SD&CC සමාගමේ වව්නියාවේ වැඩකරන බව මට පවසමිනි.
මම දෙහිඅත්තකන්ඩියේ වැඩ කරන අතරේ හදිසියේ වව්නියාවට මාරුවක් ලැබීම නිසා මාසයක විතර කාලයක් එහෙ හිටියා. හදිසියේ මට මතක් උනේ අපේ බන්දුද මෙහෙ වැඩ කරන නිසා කෝල් එකක් වත් දීල බැලුවොත් හොඳ බවය. ටිකක් රෑ වෙලා තිබුනත් මං කෝකටත් කෝල් එකක් අරගත්තා බන්දුගේ නොම්බරේට . ටිකක් රින්ස් ගිහිල්ලා ෆෝන් එක අන්සාර් කරා ගැහැණු කෙනෙක් මට හිතුන බන්දුගේ නෝනා මහත්තයා තමයි කියල. මං ඇහුව කෝ බන්දු ඉන්නවද කියල. පොඩි ඉකි බිඳීමක් එක්ක මට කිව්වේ බන්දු ඉන්නවා මිනී පෙට්ටියේ බව. මට එතනින් එහාට කතා කරන්න වචන අවේ නැත.
මන් විහිළුවට හැමදාම කිව්වත් බන්දු ජිවත් වුනේ ටික කාලයක්මය. පස්සේ සොයා බලද්දී බන්දු සියදිවි නසාගන තිබුනේ ඔහුගේ අනියම් පෙම ගෙදරට අසුවිමනිසා වස පානයකිරිමෙනි.
බන්දුගේ ජීවිතය විකාර සහ අවුල් ජාලාවක් උනත් මට හැමදාම තිබුන ලෙන්ගතුකම , බන්දු ගැන ලොකු මතකයක් ඉතිරි කරා.
No comments:
Post a Comment