මගේ උසස් අධ්‍යාපනයට අදාලව දෙවැනි පුහුණු වීම් සඳහා මම තෝරා ගත්තේ නමගිය ඉදිකිරීම් සමාගමක් , එකෙන් මාව ඇතුළු අපේ කණ්ඩායමේ කීප දෙනෙක්ම යොමුකරේ අහුන්ගල්ල ප්‍රදේශයේ තිබුන තරු පන්තියේ හෝටලයක් අලුත් වැඩියා කිරීමේ ව්‍යාපෘතියකට. විශාල පිරිසක් යොදාගනිමින් 24 X 7 මේකේ වැඩ කරගන ගියේ. සියලු වැඩ කෙරුනේ ටාර්ගට් ක්‍රමයට , සියලු වියදම් අමුද්‍රව්‍ය සහ එදිනෙදා වැඩ කුලිය හෝටලය අයිති සමාගමෙන් දැරුව නිසා කිසිම අරපරිස්සමක් තිබුනේ නෑ . පොඩි වැඩකට උනත් අමතර පැය 3ක් 4ක් OT දෙන්න කිසිම ප්‍රශ්නයක් උනේ නෑ . සියලුම ලේබර්ස් ඇතුළු ස්ටාෆ් එකට හෝටලය ඇතුලෙම නවාතැන් දීල තිබුනා, ඉතින් අපිට ඕෆ් වෙන්න වෙලාවක් තිබුනෙනේ නෑ වැඩ ඉවර වෙලා කාලා බිලා නිදාගන්න යනකොට තමයි හැමෝම කාර්ඩ් එක පන්ච් කරලා ඕෆ් උනේ. දවසට රුපියල් 200ක් වුනාට අපේ දවසේ පඩිය, මාසේ අන්තිමට අපිට රුපියල් දහා පාලොස්දාහක පඩියක් හම්බු උනේ OT මීටරේ හොදට දුවපු නිසා.
ප්‍රධාන ඉදිකිරීම් සහ අලුත් වැඩිය වැඩ කටයුතු ඉවර වෙලා හෝටලය ෆන්ෂන් වෙන්න පටන් ගත්තත් තිබුන සුළු සුළු වැඩ සඳහා මා ඇතුළු කීප දෙනෙක් හිටියා . මොකද මගේ පුහුණු කාලයත් තාම ඉවර නැති නිසා.
එක දවසක් උදේ හෝටලයේ පිළිගැනීමේ නිලධාරනියක් මට කිව්වා එයාලගේ කවුන්ටර ගාව අධික ගඳක් එනව කියල . මම ගියා එතනට තව වැඩ කරන දෙන්නෙකුත් එක්ක මේක හොයල බලන්න , ටිකක් එහා මෙහා යනකොට මට තේරුනා ගඳ එන්නේ රිසෙප්ෂන් එක ඉස්සරහ තියන කානුවෙන් බව, ඒක හැබැයි අපි කොන්ක්‍රීට් ස්ලැබ් දාල වහල තිබුනේ උඩින් , දැන් අපි ස්ලැබ් එක වටේට තිබුන බදාම කට්ටේ කඩලා ස්ලැබ් එක අයින් කරලා බලන්න ලෑස්තිය . ඔය රිසෙප්ෂන් එක ගාව ඉන්නවා තව සෙට් එකක් බෙල් බෝයි කියල , එයාල ඉන්නේ හෝටලයට එන ගෙස්ට්ලගේ බැග් මලු අදාළ කාමරවලට ගෙනියන්න. ඉතින් ඔය සෙට් එකත් වටේට බලන් ඉන්නවා අපේ වැඩේ. ඔය අතරේ හෝටලේට ආපු ෆොරින් ලේඩි ගෙස්ට් කෙනෙකුත්
ඇවිල්ල අපි ගාව ඉදන් මේක බලන් හිටියා . අර බෙල් බෝයියෙකුට ඉන්න බෑ කට තියාගන , මිනිහා සිංහලෙන් බනිනවා අර ලේඩිට මුණ දිහා බලන්නේ නැතුව අපි දිහා බලාගන, " මේ වේ... ගෑනිට ඕන නැති ..... නෑ , ආවා නම් කාමරේට යන්නේ නැතුව මෙතන මොන .... කරනවද " කිය කිය.
ටිකක් වෙලා ගිහින් අර ලේඩි මන් ගාවට ඇවිල්ල අහනවා " සතෙක් මැරිලා වගේ නේද මොකාද සතා " කියල සුද්ද සිංහලෙන්.
අර හැකර කට තිබුන බෙල් බෝයියගේ මුණ හතරැස් වෙලා ගියා . ගියේ කොහෙන්ද කියල අපිට හොයාගන්නත් බැරිවුණා.
පස්සේ මං දැනගත්තේ අර ලේඩි ලංකාවේ එම්බසි එකක වැඩකරන කෙනෙක් බව, එකෙන් සිංහල හොද දැනුමක් තියන කෙනෙක් බව
(චායා රූප අන්තර්ජාලයෙනි )
No comments:
Post a Comment