මේක සිද්ද වුනේ මං අක්කරපත්තුවේ වැඩ කරන කාලේ , අපි කරේ ජල සම්පාදන ව්‍යාපෘතියක් මගේ යටතේ හිටපු TO කෙනෙක් තමයි ඔය මනාසීර්. ව්‍යාපෘතියට පිටින් ගිහිපු ටික දෙනෙක් ඇරෙන්න අනිත්අය ඔක්කොම එහේම මුස්ලිම් සහෝදරයෝ හිටියේ. පිටින් ගිහින් හිටපු කීප දෙන අතරට මමත් ඩ්‍රයිවර්ලා කීප දෙනෙකුත් ප්‍රෝජේක්ට් මැනේජර් මහත්තයත් ස්ටෝකිපරුත් PM මහත්තයාගේ සහෝදරයෙකුත් ඇතුලත් උනා.
PM මහත්තය ඇරෙන්න අපි ටික නිතර නිතර රෑට සප්පායම් උනා , සාගම පාරේ තිබුන බාර් එකේ හොද ජාතියක් නම් තිබුනෙම නෑ කවදාවත්, නමක් ගමක් නැති ඒවා තමයි වැඩිපුර තිබුනේ, අඩුම ගානේ සංස්ථා එකක් ගේන්නත් කිලෝමීටර් 26 දුර අම්පාරට යන්න ඕන. එක සැරයක් ඔහොම බයිසිකලෙකුත් දීලා අම්පාරට යවපු එකෙක් ගෙනාවෙත් අර සාගම පාරේ තියන ඒවමයි, ඉතින් එදා උගේ සනුහරේම ඉවරකරා කට්ටිය එක්ක.
මන්සිර්ලට දැඩි තහංචි තිබුනත් හොරෙන් හොරෙන් ඇවිත් අපෙන් සප්පායම් උනා ඒ හැබැයි ගඳ නැති ජාති තිබුන දවසට විතරයි. එදාට මිනිහ ගෙදර නොගිහින් අපේ ක්වාටස් එකේ හරි කොහේ හරි නිදාගත්තා.
කීප දවසක්ම මිනිහට ඕන උනා අපිට ඩිනර් එකක් දෙන්න. අපේ උන්ට ඉතින් බීමක් නැති කෑමකින් වැඩක් නැති නිසා. එක කන්න කලිනුත් ඕන නිසා මන්සීර් බෝතල් දෙකක් ගෙනල්ල දෙන්න පොරොන්න්දු උනා අදාළ දවසට අපි පිටත් වෙන්න කලින් , ඒ ගෙවල් වල ඕව කරන්න බැහැනේ. ඩිනර් එකට PM මහත්තයටත් ආරාධනා කරලා තිබුන නිසා , එයා යෝජනා කරා වැඩිය රෑ වෙන්නේ නැතුව වේලාසනින් ගිහින් එන්න , දැන් ඉතින් අපේ වැඩේ කොට උඩ යන්න එන්නේ . PM මහත්තය කිව්වා පහමාරට යන්න ලෑස්තිවෙන්න කියල. දැන් කට්ටියට වැඩේ මග අරින්නත් බෑ , නොබී යන්නත් බෑ .
මනාසීරය බෝතල් දෙක අරන් එනකොට 5.10 කට්ටිය වැඩේ අතරින්නම බෑ කියපු නිසා දඩ බඩ ගාල බෝතල් දෙක හිස්කරා 5.25 වෙනකොට අඩිය පෙනුනා බෝතල් වල , අපේ සෙට් එක එච්චරට දක්ෂයි. වෙලාව 5.30යි PM මහත්තය එලියට බැස්ස ඔෆිස් එකෙන් දැන් යමු කියාගන, ඩ්‍රයිවර්ගේ මුණ බැලුවම පොඩි වෙනසකුත් තේරුනත් PM මහත්තය මුකුත් හිතුවේ නෑ.
(චායා රූප අන්තර්ජාලයෙනි )
No comments:
Post a Comment