ඇත් වල

අපේ ගෙවල් වලට කිලෝමීටර් එකහමාරක් විතර දුරකින් තිබුණු වතුර පිරුණු වලක් තමයි ඔය ඇත් වල. වලක් වුණාට ඒක ටිකක් ගැඹූරු මීටර් සීයකට වඩා දිග එකක්. හදපු එකකුත් නෙවෙයි  ස්වභාවික හැදිච්ච එකක්. ඉස්සර  ඒ පැත්තේ පාර හදල නැති කාලේ පාර හරහට වතුර පාරකුත් ගලා ගන ගියා ඕකෙන්  මං ඔතනින් මොන්ටිසෝරි යන කාලේ. ඒකාලේම ලමයෙකුත් මැරිලා තිබූණා වලට වැටිලා.
ඇත් වලට නම හැදුන හැටි පොඩි කතාවක් තියෙනවා අපේ පැත්තේ . ඇත්ත නැත්ත නම් හරියටම කියන්න දන්නේ නෑ මම
අපේ ගෙවල් ඉස්සරහ තියෙන තරමක උස කන්දට කියන්නේ හල්ල කන්ද කියලා. හල් ඇහිලූ කන්ද නිසා ඒක හල්ල කන්ද වෙන්න ඇති මට හිතෙන්නේ . මොකද ඒකේ හල්, බෙරලිය වගේ දුර්ලභ ජාති තිබුණා. හැදෙන කාලෙට මිනිස්සු කණ්ඩායම් පිටින් යනවා ඕවා අහුලන්න.
ගොඩක් ඉස්සර ඔය කන්දේ  පවුලක් ඉඳලා තියෙනවා පදිංචි වෙලා කරලා තිබුනේ කිතුල් පැණි  හකුරු හදන එක. ඒ කාලේ තිබ්බ අලි කරදර නිසා ගහක පැලක් අටවාගෙන තමයී  වැඩේ කරගන ගිහින් තිබූණේ. මෑත කාලයක් වෙනකම් සිංහරාජෙ හිටපු අලි අපේ පැත්තේ මහමෙදේරිය කියන හරියට ආවා ගියා. ඉතින් දවසක් මේ ගෙදර ගෑණු මනුස්සයා පැණි උණු කර කර ඉන්නකොට අලියෙක් හරි ඇතෙක් ඇවිල්ලා ගොඬේ දික් කරලා තියෙනවා පැලට පැණි සුවඳට . මේකට තරහ ගිහිපු ගෑණූ කෙනා අර නටන පැණි වලඳෙන් ටිකක් අරගෙන අලියාගේ හොඬෙට  වක්කරලා.. උණු පැණි වල රස්නෙ ගැන කියන්න දෙයක් නැහැනේ . මෙලෝ සිහියක් නැති වේච්ච අලියා පණකඩාගන දුවලා තියෙන්නේ වතුරක් හොයාගන.. ළඟම තිබුණු වතුර වල වෙන්න ඇත්තේ දැන් ඇත් වල කියන වල . කොහොම හරි මේ අලියා හරි ඇතා හරි මේ වල ගාවදී මැරිලා තියෙනවා. වලට වැටිලාම මැරුණා කියලා තමයි කියන්නේ .. එකෙන් පස්සෙ තමයි මේකට ඇත් වල කියලා කියන්නේ පටන් අරන් තියෙන්නේ .  ඕක සනාථ කරන්න පුළුවන් එකම සාක්ෂියක් තිබූණේ ඒ ඇත්වලට උඩින් තිබූණූ ගෙදර තිබිච්ච අලි හකු ඇටේ.
කම්බූල්ගාය හැදිච්ච අපේ හරියේ හැමෝම එහේට තමයි යන්නේ ඕකේ දෙහි උරච්චි කරලා ගාගන්න. මටත් යන්න උන හිනදා මං දන්නවා . හැබැයි එයාලනම් කවදාවත් කියලා නෑ ඔය අලි හක්ක හම්බුනේ කොහොමද කියලා.

ඕකේ දකුණු පැත්තේ තමයි ඔය ඇත්වල තිබුණේ  දැන්නම් සෑහෙන්න ගොඩ වෙලා. වම් පැත්තේ තියන ගෙදර තමයි අලි හක්ක තිබූණෙ  ඒකෙත් කවූරුත් නෑ දැන් .