ඇකඩමික් ඉවර වෙලා ආයෙත් අපි ට්‍රේනින් දැම්මා , මං ගියේ අහුන්ගල්ලේ සයිට් එහෙකට ලොකු හොටෙල් ප්‍රොජෙක්ට් එකක් . අපිට නවතින්න ඇතුලෙම ඒකෙ ඩ්‍රයිවර්ස් ක්වාටස් එක දීල තිබුනේ, ඒකත් පොඩි හොස්ටල් එකක් වගේ තමයි . එක එක ජාතියේ උන් හිටියා එකෙත් , ඩොමේට්‍රියක් උනාට තිබුනේ සිමෙන්ති ඇඳන් , බඩුවක් තියාගන්න වත් තැනක් තිබුනේ නෑ ඇඳ විතරයි ඔක්කොටම තිබුනේ, කොහොමත් ඒ සයිට් එකේ වැඩිපුර නිදාගන්න වෙලාවක් තිබුනේ නෑ පැය 24ම වගේ වැඩ අපි ඔෆ් වුන අඩුම වෙලාව රෑ 12 . ඊට කලින් ඔෆ් වුනත් කාර්ඩ් එක ගැහුවේ 12ට . දවසට රුපියල් 200යි ගෙව්වේ OT ටිකක් කරහම තමයි කියක් හරි ගන්න පුළුවන් නැත්තම් පඩිය ඉවරයි චමරියට කැපිලම .
අහුන්ගල්ලේ සයිට් එකේ වැඩ තිබුනේ මාස 9ක් විතරයි . එක ඉවර වෙලා යුනියන් ප්ලේස් එකේ බිල්ඩින් සයිට් එහෙකට යන්න වුනා. නවතින්න වුනේ ගංගාරාමේ පිටිපස්සේ බෝඩිමක . එතනත් වැඩ ඉවර වෙන වෙලාවක් තිබුනේ නෑ එත් ඒකෙ ඩේ ඔෆ් තිබුනා . රෑට තනියම එන්න නම් අමාරුයි සයිට් ඒකෙ ඉඳන් බෝඩිමට , හොල්මන් හින්ද නෙවෙයි බල්ලෝ එක්ක , දවල්ට නැට්ට පස්සේ ගහගන ඉන්න නාටු බල්ලෝ රෑට ඉන්නේ සිංහයෝ වගේ. එකෙක් යන්තම් බුහ් ගෑවොත් රොත්ත පිටින්ම එලවනවා. අපි ඉතින් හෙන වට රවුමක් ගහල බෝඩිමට එන්නේ රෑට තනියම එනවා නම් . අපේ එකෙක්ව බල්ලෝ එළවන් එද්දී ළඟ තිබුන කුණු ලොරියක එල්ලිලා , කොහොම හරි පැයක් විතර බහින්න දීලම නෑ , යන්තම පොලිස් පැට්‍රොල් එහෙක උන් ටිකක් දැකල බල්ලෝ එළවලා මිනිහට යන්න දීලා තිබුනේ. ඒ කාලේ තමයි අර බුදු රැස් විහිදෙන්න ගත්තේ. අපේ උනුත් ගියා ගංගාරමේ පිලිමේත් බුදු රැස් බලන්න මං ඇර. බෝම්බත් පිපිරුවා ඒ හරියේ කීපයක්ම අපි ඉන්න කොට අපි සයිට් එකේ උඩ ඉඳන් බලන් ඉන්න කොට තමයි එක සැරයක් කොල්ලුපිටියේ බෝම්බයක් පිපිරුවේ. ඒ කාලේ පොලිසියෙන් රෑට දේවල් චෙක් කරා . අපේ බෝඩිමටත් දවසක් රෑ ඇවිල්ලා ඉන්න කට්ටියකට එලියට එන්න කිව්වා, ඒ බෝඩිමේ ගෑණු පිරිමි දෙගොල්ලොම හිටියා කම්පැනියේ වැඩ කරපු. ඔක්කොගෙම අයිඩින්ටි චෙක් කරලා බෝඩිමේ එඩ්රේස් එක ඇහුවට එකෙක්වත් දැන ගැන හිටියේ නෑ , පොලිසියෙන් හොඳ දේශනාවකුත් අහගන තමයි නිදා ගන්න වුනේ ඉන්න තැන ගෙදරටවත් කියන්න දන්නේ නැද්ද කියල. මහා රෑ යන්න්තම් ඇඩ්මින් කෙනෙක් ඇහැරවගන එයාගෙන් තමයි එඩ්රෙස් එක අහගත්තෙ කෝල් එකක් දීල.
ට්‍රේනින් අවුරුද්දෙන් පස්සේ ආපහු ඇකඩමික් පටන් ගත්තා තුන්වෙනි සැරේට හොස්ටල් හම්බු වෙන්නේ නැති හින්දා අපි ආපහු බෝඩිමක් හොයාගත්තා කටුනායක නායක පාරේ, එතන හොස්ටල් එකේ හිටියට වඩා සද්දේ , එයාර් පොර්ට් කෑම්ප් එක පිටි පස්සේ නිසා උදේට කෆීර් ස්ටාර්ට් කරන කොට නිකන් භුමි කම්පාවක් වෙනවා වගේ. යුද්ධේ හොඳම කාලේ නිසා හැමදාම කෆීර් මිග් නග්ගනවා , අපි ඇඳේ උඩ විසිවෙනවා , එතන ඉන්නකොට තමයි කොටි කුරුම්බැට්ටි මැෂින් එකෙන් ඇවිත් බෝම්බ දාල ගියේ, අපිත් දැක්ක ඒක
No comments:
Post a Comment