මේක අපේ ගමේ මෑතක සිද්ධ වුණ සිද්ධියක්,
අපේ කතා නායකයා අපි සමන් අයියා කියමු. සමන් අයියා ඉස්කෝලෙන් අයින් වුන ගමන් ආමි එකට බැඳුනා. ඉස්කෝලෙත් වැඩිය ගිහින් නෑ මං හිතන්නෙ.
පවුලෙ වැඩිමලා වුන මෙයාට තව මල්ලිලා දෙන්නෙකුයි නංගිලා දෙන්නෙකුත් හිටියා. එක්කෙනෙක් වත් හරි අධ්‍යාපනයක් ගත්තෙ නෑ.
කොහොම හරි මෙයා විවාහයක් කරගත්තෙත් ආමි එකේ අවුරුදු 20ක සර්විස් එක අවසන් කරල පෙන්ෂන් අරගනම තමයි. ඒ ඔය 2005 මානුෂීය මෙහෙයුමට කලින්.
මහ ගෙදර ගාවින්ම අළුත් ගෙයක් හදාගෙන සමන් අයියා පදිංචිව වෙලා හිටියෙ. මෙයා අපේ හරියෙ හැමෝම වගේ ගමන් බිමන් පහසුවට ත්‍රී වීල් එකකුත් ගත්තා.
හැමෝම දන්නවනේ අලුත් වාහනයක් ඉස් ඉස්සෙල්ලාම සර්විස් කරන්න දුවන්න ඕන කිලෝමීටර් ගානක් තියනවා කියලා. අපේ මේ සමන් අයියත් ගියා තමන්ගේ ත්‍රීවිල් එක සර්විස් කරන්න සර්විස් සෙන්ටර් එකට හැබැයි අදාළ කිලෝමීටර් ගානට ටිකක් අඩුවෙන් 300km විතර, ඉතින් සර්විස් එකේ මල්ලිලා මේක බලලා කිව්වා " අයියේ මේක තව ටිකක් දුවන්න පුළුවන් ඔයා ඒ ටිකත් දුවලම අරන් එන්න " කියල. අපේ අයියත් හා කියලා ගියා යන්න කලින් අයෙත් අයියා ඇහුවා "මල්ලි මන් හෙට ආවට කමක් නැද්ද" කියල. "ඔයා කැමති දවසක කිලෝමීටර් ගාන හරි නම් එන්න" කියල කට්ටිය කිව්වා.
කිව්වා වගේම පස්සෙන්දා උදේ පාන්දරම සමන් අයියා ඉන්නවා සර්විස් එක ගාව. සර්විස් එකේ මල්ලි බැලුවා කිලෝමීටර් ගාණත් හරියට හරි .
"කොහේද අයියේ ගියේ ඊයේ කතරගමවත් ගියාද ?" කියලා සර්විස් එකේ මල්ලිට හෙන ප්‍රශ්නේ.
නෑ මල්ලි මං ටැංකියට තෙල් ෆුල් ගහගන පිට්ටනියට ගිහින් කිලෝමීටර් ගාන හරියනකම් රවුම් ගැහුවා කියල අයියා කියපි.
(චායා රූප අන්තර්ජාලයෙනි )
No comments:
Post a Comment