අපේ ගෙදර තාත්තයි මමයි අයියයි තුන් දෙනාම කැමති වුනේ ජපන් බයික් වලට ඉන්දියන් ඒවාට එච්චර කැමති වුනේ නෑ . පස්සේ අපේ පොඩි මස්සිනා ඉන්දියන් බයික් කීපයක්ම පාවිච්චි කරා. මමත් ඒවා පැද්දා තියන වෙලාවට. අයිය නම් බයික් පදින එක එහෙමම අතෑරියා ,ලයිෂන් ගත්තෙත් නෑ බයික් වලට. ගොඩක් පස්සේ තාත්තට අයෙත් බයික් පදින්න ඕන වෙලා බජාජ් බයික් එකක් අරගත්තා BYK කියන මොඩල් එක. එකත් ටිකක් පොඩි බයිසිකලයක් 100cc . මගෙත් ගමන් බිමන් ටික කරගත්තේ එකෙන් තමයි නිවාඩුවට ගෙදර ආවම.. මමත් පොඩි ජොබ් එකක් කරා එතකොට.
දවසක් අපේ ලොකු අම්මා අපේ ගෙදර ඇවිල්ල ඉඳලා යන්න හදනකොට මං කිව්වා මං පාරට එක්කන් යන්නම් කියලා. කොහෙද එයාට බයිසිකල් වල ගිහිල්ල පුරුද්දක් ඇත්තෙම නැහැ , ඒ පාර මං ගියා ළඟ ගෙදරක ත්‍රීවිල් එකක් තිබුනා එක එක්කන් එන්න බයිසිකලෙන් . ලඟට යන නිසා හෙල්මට් එක දාගත්තෙත් නෑනේ. එහේට ගියා එහෙත් ඒ අයිය හිටියේ නෑ . එතනින් කෝකටත් කියලා ප්‍රධාන පාර පැත්තට ආවා එහෙම්ම . එතනත් ත්‍රීවිල් එකක්වත් නෑ. දැන් මොකද කරන්නේ කියලා හිතලා අපේ බාප්පලාගේ ගෙදර තියන ත්‍රිවිල් එකවත් අරන් යනවා කියලා ප්‍රධාන පාරේ පොඩ්ඩ දුරක් යනකොට ආවේ නැතා ට්‍රැෆික් බයික් එක . හෙල්මටුත් නෑ ලයිෂනුත් නෑ , මාව අරන් ගියා බයික් එකත් එක්කම පොලිසියට. දඩ කොලෙකුත් දුන්න.
පොඩි මස්සිනා ගෙදර ආවා විතරයි මිනිහා දඩ කොලේ අරගන පොලිසියට ගිහින් එයා දන්නා රාලාහාමි කෙනෙක්ට කියලා වැඩේ ගොඩ දාගත්තා (කියලා මට කිව්වා)
පොලිසියේ තාත්තා හිටියත් විස්වාස කරන්න එපා කියන්නේ ඇත්ත කියලා මට තේරුනේ දඩේ නඩුවක් වෙලා වරෙන්තුත් වෙලා රෑ පොලිස් ජීප් එක ගෙදරටම ඇවිල්ලා මාව කුදලගන ගියාට පස්සේ. යන්තම් වෙන ඇඳුනුම් කමක් නිසා කුඩුවේ නොයිඳ උදේට බාර වෙන්න ගෙදර එන්න පුළුවන් වුනා. පලවෙනි දවසේ වරෙන්තුවට උසාවි ගියා සති දෙකකින් අයේ දඩේ ගෙවන්න උසාවි ගියා. රස්සාවකුත් නැතුව හතේ හත වැදිලා හිටපු කාලේ.
දැන් නම් ලයිෂන් ගන්න කාලේ හරි කියලා හිතුවේ ඒ පරිප්පුව කෑවට පස්සේ.
ඒ පාර මං ගියා ලර්නස් එහෙකට ලයිෂන් ගන්න වාහන ත්‍රිවිල් බයික් වලට. ඔක්කොම පුරුදු වෙලා ට්‍රයල් දවසේ තාත්තත් එක්ක ගාල්ලට ගියා අර BYK බයික් එකෙන් . ට්‍රයල් එකට කලින් මං අපේ බයික් එකෙන් අට ගහලත් පුරුදු වුනා. එතකොට ආපු ලර්නස් එකේ එකා කිව්වනේ මේ බයික් එකෙන් අට ගැහුවොත් ඔයාට පදින්න වෙන්නේ අන්ඩර් 100c c ඒවා විතරයි කියලා , ඒ කියලා මට දුන්නා එයාලගේ TVS බයික් එකක් 110cc . මට දැන් ඒක පුරුදුත් නෑ ,අට ගහන්න පුරුදු වෙන්න වෙලාවකුත් නෑ . ඕන එකක් කියලා අට ගහන්න ගියාට මගේ කකුල බිම වැදුනා . බයික් ට්‍රයල් ෆේල්, අවුරුදු 10ක් විතර බයික් පැදපු මට තාමත් බයික් ලයිෂන් නෑ , ආයේ ගන්න ට්‍රයි කරෙත් නෑ.
එච්චර කල් බයික් පැදපු මං දෙසැරයක් ඇක්සිඩන්ට් වෙලා තියනවා. දෙකම වුනේ අනුන්ගේ බයික් පදින්න ගිහින් දෙකම TVS බයික් .දෙසරේම හැප්පුණේ ත්‍රී වීල් වල.
එකක් වුනේ පොඩි අක්කගේ වෙඩින් එක ඉවර වෙලා එද්දි. මස්සිනගේ යාලුවෙක්ගේ බයික් එකක් ගෙදරට ගෙනිහින් දෙන්න තිබුණෙ මට. හෙල්මට් එකක් තිබුනෙත් නෑ. අපේ පැත්තෙන් ගියපු වෑන් දෙකට මැදින් මං ගියේ බාෙක්කුවක් ගාවදි ඉස්සහින් ගිහිපු වෑන් එක බ්‍රේක් කරා මට බයික් එක ඒ ගානට බ්‍රේක් කරන්න බැරිවුන නිසා මං පැත්තෙන් ඔවටේක් කරා. ඉස්සරහින් ආපු ත්‍රී වීල් එකේ දඩොං ගාලා වැදුණ විතරයි මතක, මං උඩින් ගිහින් වැටුනා තුවාල මුකුත් නෑ අතේ ඇඟිල්ලක ඇටයක් කැඩිලා තිබුනා. වැරැද්ද සම්පූර්ණයෙන්ම මගේ එක නිසා හිටපු කට්ටිය ත්‍රී වීල් එකේ මිනිස්සු ශේප් කරල තිබුනා සල්ලි දීලා. බයික් එකත් අපේ ගානේ හදල දෙන්න වුනා.
දෙවෙනි එක වුනේ ගෙවල් ගාවදිමයි. අක්කත් එක්ක රෑක කොහේහරි යන්න පිටත් වෙලා මිටර් 100 ක් වත් ගියේ නෑ ත්‍රී වීල් එකක් අවා හෙඩ් ලයිට් ගහගන, මට මෙලො දෙයක් පෙනුනේ නෑ පුළුවන් තරම් අයින් කරගත්තා, එත් මේයකා මාවත් හප්පගන කරණමකුත් ගහලා නතර වුනේ. මිනිහ නම් හාෙඳටම බීලා හිටියේ. මට තුවාල නැති වුනාට අක්කගේ මුනේ මැහුම් දාන්න වුනා. එ බයික් එකත් ගෙදර වැඩ කරපු වඩු බාස් කෙනෙක්ගේ එකක්.
ගෙදරට මස්සිනා ත්‍රිවිල් එක ගත්තට පස්සේ කොහොමත් බයික් පැදිල්ල සැහෙන්න අඩු වුනා .කොහොමත් ත්‍රිවිල් ලයිෂන් තිබුනේ මට විතරක් නිසා ගෙදරින්. මගේම වාහනයක් ගත්තට පස්සේ නම් බයික් ත්‍රිවිල් දෙකම අයින්ම කරලා දැම්මා.
තාත්තත් වයසට යනකොට බයික් එක පදින එක අඩු වුනා BYK බයික් වලට පාට්ස් හොයන්නත් අම්මරුයි. තාත්තා තව ඒ ජාතියේම බයිසිකලයක් හොයාගන ඇවිත් එකෙන් කැලි ගලවා ගලවා අරකට හයිකරගන ටික කාලයක් දිව්වා. දැන් නම් ඒක කොහේ තියනවද මන් දන්නෙත් නෑ. ගෙදර නම් නෑ.
No comments:
Post a Comment